•  Georg Simon Ohm (១៨២៧): គំនិតនៃតម្លៃរេស៊ីស្តង់ត្រូវបានពិពណ៌នាជាផ្លូវការជាលើកដំបូងដោយរូបវិទូជនជាតិអាឡឺម៉ង់ Georg Simon Ohm ក្នុងឆ្នាំ ១៨២៧។ ការងាររបស់ Ohm បាននាំឱ្យមានការបង្កើត **ច្បាប់អូម**។

• ច្បាប់អូម(Ohm's) គឺជាច្បាប់មូលដ្ឋាននៅក្នុងអេឡិចត្រូនិច ដែលបានពន្យល់ពីរបៀបដែលតង់ស្យុង ចរន្ត និងរេស៊ីស្តង់ទាក់ទងគ្នាទៅវិញទៅមកនៅក្នុងសៀគ្វីអគ្គិសនី។ 

• លំហូរចរន្តអគ្គិសនី តាមរយៈអង្គធាតុចំលង (Conductor) រវាងពីរចំនុច គឺសមាមាត្រដោយផ្ទាល់ទៅនឹងវ៉ុលនៅសងខាងចំនុចទាំងពីរ ប្រសិនបើសីតុណ្ហភាពនៅតែថេរ។ ទំនាក់ទំនងនេះត្រូវបានបង្កើតចេញជារូបមន្ត:

• យោងតាមរូបមន្តខាងលើ យើងសង្កេតឃើញថា:

  • ប្រសិនបើតម្លៃតង់ស្យុងប្រភព(វ៉ុល)កើនឡើងហើយតម្លៃរេស៊ីស្តង់នៅតែថេរនោះចរន្តអគ្គិសនីនៃសៀគ្វីនឹងកើនឡើង។

  • ប្រសិនបើតម្លៃរេស៊ីស្តង់កើនឡើង​ ខណៈពេលដែលតង់ស្យុងប្រភព(វ៉ុល)នៅដដែល នោះចរន្តអគ្គិសនីនៃសៀគ្វីនឹងថយចុះ។

• រូបមន្តបន្ថែម:

  • ចរន្តអគ្គិសនី  I​=V/R

  • តម្លៃរេស៊ីស្តង់ R=V/I

• ឧទាហរណ៍៖ 

បើសិនជាសៀគ្វីមួយមាន៖

• តង់ស្យុង V  = 12v

• រេស៊ីស្តង់ R = 6Ω

គណនាចរន្តអគ្គិសនី  I នៃសៀគ្វី ៖

I = V/R

  I =12/6 

  I = 2A